حتقول ايه في اللقاء الأول ؟؟!! .... منعا للإحــرااج

بسم الله الرحمن الرحيم
السلام عليكم رحمه الله وبركاته

لفت انتباهي في الفترة الأخيرة موقف مهم بيتكرر كتييير .. و لازم - على ما اظن - نتعرض ليه كلنا ..


" موقف اللقاء الأول قبل الخطبة "

قرأنا وسمعنا كتير عن أهمية المقابلة الأولى اللي هي بتحدد اذا كان هناك قبول مبدئي و توافق بين الطرفين .. ليبدءوا مشروع الخطبة .. و للا لأ

و سمعت مرة دكتورة ومستشارة كبيرة في هذا المجال بتوصف القبول المبدئي ده :
ان كل من الطرفين يشعر بارتياح نفسي للطرف الآخر .. يعني يستظرفه و يكون خفيف على قلبه .. بحيث انه يحس انه عايز يشوفه تاني .. أو انه مش عايز القعدة تخلص بسرعة ..

طيب أنا بقى سؤالى هنا ..
تفتكروا ايه الكلام اللي ممكن يتقال في الموقف دا .. بحيث يظهر طبيعة كل طرف دون تكلف ؟؟؟؟

و كمان عندي طلب تاني .. يا ريت كل واحد يدخل " شاب أو فتاة " يقولنا ايه الحاجة أو السؤال أو الموضوع اللي يضايقه ان الطرف التاني يسأله عنه ..
( يعني شايف انه مش مناسب .. أو مش وقته )